ხანძარი იყო კორპუსში, სადაც ორი არასრულწლოვანი იმყოფებოდა - რა მოხდა რუსთავში?
რუსთავში, რუსთაველის ქუჩაზე ერთ-ერთი საცხოვრებელი კორპუსის სარდაფში, რომელიც საცხოვრებელ ბინად ჰქონდათ მოწყობილი, ხანძარი იყო. ინფორმაციას ამის შესახებ "ინფო რუსთავი“ ავრცელებს.
შემთხვევის დროს ბინაში ორი არასრულწლოვანი იმყოფებოდა. მათ ცეცხლმოკიდებული ბინიდან გამოსვლა უვნებლად შეძლეს.
ადგილზე მობილიზებული იყო სახანძრო სამაშველო ეკიპაჟი.
ცეცხლი ამ დროისთვის ლიკვიდირებულია.
