გორის საჯარო სკოლაში საკლასო ოთახი ქირავდება - საწყისი ფასი ყოველთვიურად 45 ლარი
გორის #3 საჯარო სკოლაში საკლასო ოთახი ქირავდება. ამის შესახებ ინფორმაცია ქონების ეროვნულმა სააგენტომ გამოაქვეყნა.
განცხადების მიხედვით, ქირავდება გორის #3 საჯარო სკოლის პირველ სართულზე არსებული ოთახი 14,50 კვმ. ფართი.
ყოველთვიური საიჯარო ქირის საწყისი ფასია 45 ლარი. აუქციონი 22 სექტემბერს დასრულდება.
აუქციონის პირობების მიხედვით, საკლასო ოთახი ქირავდება ნებადართული საქმიანობის ნუსხით გათვალისწინებული საქმიანობების ფუნქციონირებისათვის 2023 წლის 2 ოქტომბრიდან 2024 წლის 1 ივნისამდე ორშაბათიდან პარასკევის ჩათვლით 9 სთ-დან 18 სთ-მდე.
აღნიშნულ ფართში განთავსებულია სკოლის შემდეგი მოძრავი ქონება: 20 ცალი დაწყებითი სწავლების მერხი სკამით.
წყარო - qartli.ge
