როგორ უნდა მოიქცეთ, რომ 40 წლის შემდეგ წონაში არ მოიმატოთ? - 5 ოქროს წესი
ასაკის მატებასთან ერთად ყველას მეტაბოლიზმი ნელდება. სამედიცინო თვალსაზრისით, ეს სრულიად ნორმალური ასაკობრივი პროცესია, მაგრამ ქალებს, ვისაც სხეულის ფორმები განსაკუთრებით აღელვებს, ამ ფაქტთან შეგუება არ სურთ.
მენოპაუზის მოახლოებასთან ერთად, როდესაც ქალის სასქესო ჰორმონები სულ უფრო და უფრო მცირდება, ბევრი ქალი განიცდის წონის მერყეობას. მენოპაუზის დროს წონა შეიძლება უფრო სწრაფად „გაგვექცეს“, ვიდრე ადრე. როგორ ავიცილოთ ეს თავიდან?
პირველ რიგში, მოქმედებაზე გადადით და ამ წესებს მიჰყევით:
1. დააკვირდით თქვენს კალორიებს
არ მიიღოთ ჭარბი კალორიები - თქვენ უნდა მოიხმაროთ ოდნავ ნაკლები ენერგია, ვიდრე ხარჯავთ, წინააღმდეგ შემთხვევაში ყველა საკვები ნივთიერება აუცილებლად ცხიმის სახით დაგიბრუნდებათ.
ამისთვის აბსოლუტურად არ არის საჭირო კალორიების დათვლა, რაც შეიძლება ნევროზში გადაიზარდოს. საკმარისია, უბრალოდ "თეფშის წესები" დაიცვათ - თქვენი თეფშის ნახევარი უნდა იყოს ბოსტნეული, თქვენი თეფშის ¼ უნდა იყოს ცილოვანი საკვები (ხორცი, თევზი, ფრინველი ან მცენარეული ცილა) და თქვენი თეფშის ¼ უნდა იყოს რთული ნახშირწყლები.
2. შეამცირეთ ტკბილეულის რაოდენობა
მინიმუმამდე შეამცირეთ სწრაფი ნახშირწყლების რაოდენობა: შეეცადეთ შეზღუდოთ დიდი რაოდენობით შაქრის შემცველი საკვების მოხმარება.
რა თქმა უნდა, ტკბილეულს მთლიანად არ უნდა აკრძალოთ, რადგან მკაცრმა შეზღუდვებმა შეიძლება მხოლოდ გააუარესოს სიტუაცია. უბრალოდ შეეცადეთ შეამციროთ დესერტების რაოდენობა.
3. იყავით უფრო აქტიური
მაგალითად, შეგიძლიათ ყოველდღე 30-40 წუთი გაისეირნოთ, ერთი-ორი გაჩერებით ადრე ჩამოხვიდეთ ტრანსპორტიდან, ზოგჯერ მაინც თავი შეიკავეთ ლიფტით მგზავრობისგან და მაღალ სართულზე ფეხით ადით.
სცადეთ უფრო ინტენსიური აქტივობის დამატება: პილატესი ან სირბილი. მთავარია ამის გაკეთება რეგულარულად.
4. დალიეთ წყალი
წყლის სმის რეჟიმი ძალიან მნიშვნელოვანია ჩვენი ორგანიზმისთვის - ყველა მეტაბოლური პროცესი მასზეა დამოკიდებული. ამიტომ არ დაგავიწყდეთ წყლის დალევა და წყურვილის დონის მონიტორინგი.
5. საკმარისი ძილი
საკმარისი ძილი ამცირებს სტრესის დონეს და გვეხმარება გამოჯანმრთელებაში. თუ საკმარისად არ ვიძინეთ, შეიძლება ზედმეტი ვჭამოთ, რაც ასევე გავლენას ახდენს წონის მატებაზე. შეეცადეთ დაიძინოთ არაუგვიანეს 11 საათისა.
წყარო: mshoblebi.ge
