პრეზიდენტი ევროპულ ტურნეს აგრძელებს - ზურაბიშვილი ესტონეთის, ლატვიისა და ლიეტუვას პრეზიდენტებს შეხვდება
პრეზიდენტის ადმინისტრაციის ცნობით, სალომე ზურაბიშვილი ევროპელ ლიდერებთან შეხვედრებს აგრძელებს. მათივე განცხადებით, პრეზიდენტი ესტონეთის, ლატვიისა და ლიეტუვას პრეზიდენტებს შეხვდებს.
"საქართველოს პრეზიდენტი სალომე ზურაბიშვილი განაგრძობს შეხვედრებს ევროპელ ლიდერებთან, საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად.
დღეს, საქართველოს პრეზიდენტი ესტონეთში, ტალინში, პრეზიდენტ ალარ კარისს შეხვდება, 26 სექტემბერს რიგაში ლატვიის რესპუბლიკის პრეზიდენტს, ედგარს რინკევიჩს და 27 სექტემბერს კი, ვილნიუსში ლიეტუვას რესპუბლიკის პრეზიდენტს, გიტანას ნაუსედას", - წერია განცხადებაში.
