ოდესაში ნანგრევების ქვეშ 2 ადამიანის ცხედარი იპოვეს
ოდესის რეგიონული სამხედრო ადმინისტრაციის ხელმძღვანელის, ოლეგ კიპერის ცნობით, ოდესის ოლქში ნანგრევების ქვეშ 2 ადამიანის ცხედარი იპოვეს. დაშავდა კიდევ ერთი ადამიანი.
მისი თქმით, სამძებრო-სამაშველო სამუშაოები გრძელდება. უკრაინის თავდაცვის სამინისტრომ განაცხადა, რომ თავდასხმა ოდესაზე იყო "საპასუხო მოქმედების პათეტიკური მცდელობა". უწყება ამბობს, რომ კრემლმა რუსეთის შავი ზღვის ფოლტის შტაბ-ბინაზე უკრაინის თავდასხმას უპასუხა.
ცნობისთვის, 25 სექტემბრის ღამეს რუსი ოკუპანტები თავს დაესხნენ ოდესის პორტის ინფრასტრუქტურას. თავდასხმების შედეგად მნიშვნელოვნად დაზიანდა საზღვაო ტერმინალის შენობა და სასტუმრო, განადგურდა მარცვლეულის მაღაზიები, დაზიანდა საწყობის შენობები.
