წვლილი მიმიძღვის „იარე ლიზას“ მხარდაჭერაში, ფილმი უნდა ნახოს ყველამ - გიორგი გახარია
მე მართლაც მიმიძღვის მცირედი წვლილი ამ ფილმის მხარდაჭერაში, - ამბობს გიორგი გახარია კულტურის სამინისტროს 28 სექტემბრის განცხადებაზე, რომლის მიხედვითაც ფილმი იარე ლიზა მან პრემიერმინისტრობისას 1 200 000 ლარით დააფინანსა სახელმწიფო ბიუჯეტიდან.
"მე მართლაც მიმიძღვის მცირედი წვლილი ამ ფილმის მხარდაჭერაში. ეს ფილმი უნდა ნახოს ყველამ თბილისშიც და სოხუმშიც. რადგან ეს არის ფილმი იმაზე, რომ მიუხედავად ბევრი შეცდომისა და წარსულისა, ქართველები და აფხაზები არასდროს, არასდროს არ ვესროდით ერთმანეთს", - ამბობს გახარია.
