მამა თეიმურაზის მდგომარეობა სტაბილურად მძიმეა - ის ისევ მართვით სუნთქვაზეა
გუშინ ინტერნეტ-სივრცეში გავრცელდა ინფორმაცია, რომ ახალგაზრდა მოძღვარი, საგარეჯოს ეპარქიის მღვდელი თეიმურაზ ქორიძე,
რომელიც ბევრისთვის ცნობილია სატელევიზიო ქადაგებებით და რომელსაც მრავალნი გამორჩეული ადამიანური თვისებების მქონე მღვდლად იცნობენ, მძიმე მდგომარეობაშია - გართულებულია პნევმონია (არ აქვს კოვიდი), დაზიანებულია ფილტვები და ამ დროისთვის არის მართვით სუნთქვაზე.
გაცნობებთ, რომ დღეს მამა თეიმურაზის მდგომარეობა სტაბილურად მძიმეა - სატურაცია, ტემპერატურა და წნევა შენარჩუნებულია ნორმაში, თუმცა პაციენტი ისევ მართვით სუნთქვაზეა.
მალე გამოჯანმრთელება ვუსურვოთ ყველასთვის საყვარელ ახალგაზრდა მოძღვარს.
წყარო: მკურნალი.გე