თბილისის აეროპორტში თელ-ავივიდან რამდენიმე ავიარეისი შესრულდა - რას ყვებიან ჩამოსულები? (ვიდეო)
ბოლო ორი დღის განმავლობაში თბილისის საერთაშორისო აეროპორტში თელავივიდან რამდენიმე ავიარეისი შესრულდა. საქართველოში ჩამოსული ადამიანები ყვებიან, რომ ვითარება რთულია.
კიდევ ერთი თვითმფრინავი თბილისის საერთაშორისო აეროპორტში დღეს ღამით დაეშვება, რომელსაც ანსამბლ "გირდელას" წევრები ჩამოჰყვებიან.
"დილით დაბომბვის ხმამ გამაღვიძა, დღის განმავლობაში რამდენჯერმე მომიწია თავშესაფარში ჩასვლა. ჰამასი შეიჭრა ქალაქებში, სადაც შეძლეს შეღწევა, იქ ბევრი ადამიანი მოკლეს. ასობით ადამიანია დაღუპული, ესროდნენ ცეცხლსასროლი იარაღიდან, გაუსწორდნენ ადამიანებს მუსიკალურ ფესტივალზე, მძევლადაა აყვანილი 100-მდე პირი, როგორც ჩანს მათ გათავისუფლების სანაცვლოდ გეგმავენ პალესტინელი დაკავებულების გათავისუფლება მოითხოვონ. ყველას გვყავს ოჯახის წევრი ან ნაცნობი, რომელიც დაღუპულია, დაშავებული ან გატაცებული, სიტყვები არ მყოფნის, არავინ ელოდა მსგავს თავდასხმას", - ამბობს ერთ-ერთი ჩამოსული.
