„არ ვაღიარებ განზრახ მკვლელობას...“ — 14 წლის გოგოს მკვლელობაში ბრალდებულის პირველი კადრები (ვიდეო)
14 წლის ცოლის მკვლელობაში ბრალდებულმა ალიმ ასლანოვმა სასამართლოზე განაცხადა, რომ ცოლის მოკვლა არ უნდოდა და არც ის იცოდა, თუ გოგონა არასრულწლოვანი იყო.
„არ ვაღიარებ განზრახ მკვლელობას, ვნანობ, მაგრამ ეს განზრახ არ ყოფილა. მეგონა, პნევმატური იყო და მხოლოდ ხმას გამოსცემდა. როდესაც სისხლი დავინახე შემეშინდა და გავიქეცი. იარაღის ხმარებაც არ ვიცი, არასდროს მქონია. არ ვიცოდი, რომ მოვკალი, ეს დაკავების დღეს მამაჩემისგან გავიგე. ტრავმა მაქვს მიღებული თავის არეში, ადრე ცხენიდან გადმოვარდი და გონზე არ ვიყავი, როდესაც ეს ჩავიდინე.
არც ის ვიცოდი არასრულწლოვანი თუ იყო. დედამისი მეუბნებოდა, რომ 18 წლის იყო", - თქვა ალიმ ასლანოვმა სასამართლოზე.
