მარნეულში 40 წლამდე მამაკაცი მოკლეს
მკვლელობა მარნეულში - მეჩეთის მიმდებარედ, 40 წლამდე მამაკაცი ცეცხლსასროლი იარაღით მოკლეს. თვითმხილველების თქმით, კონფლიქტი გვიან ღამით მოხდა, თუმცა ორ პირს შორის დაპირისპირების მიზეზი უცნობია.
შემთხვევის ადგილზე გვიან ღამემდე მიმდინარეობდა საგამოძიებო მოქმედებები. შინაგან საქმეთა სამინისტრომ გამოძიება განზრახ მკვლელობისა და იარაღის უკანონო შეძენა-შენახვა-ტარების მუხლებით დაიწყო.
