ენტონი ბლინკენი მაჰმუდ აბასს შეხვდა

აშშ-ის სახელმწიფო მდივანი, ენტონი ბლინკენი იორდანიის დედაქალაქ ამანში პალესტინის გათავისუფლების ორგანიზაციის ლიდერს, მაჰმუდ აბასს შეხვდა. ამის შესახებ wsj.com იუწყება.

მანამდე ბლინკენი ისრაელში იმყოფებოდა და ქვეყნის ხელისუფლებას „ჰამასის“ ტერორისტული ორგანიზაციის გასანადგურებლად ყოველგვარ დახმარებას და მხარდაჭერას დაჰპირდა.

აბასთან შეხვედრაზე, ბუნებრივია, პალესტინა-ისრაელის კონფლიქტი განიხილება. აბასი პალესტინის ავტონომიას ხელმძღვანელობს, რომელიც მდინარე იორდანეს დასავლეთ ნაპირზე მდებარეობს. მაგრამ ღაზას სექტორს, რომელიც ისრაელის სამხრეთ ნაწილში მდებარეობს. „ჰამასი“ აკონტროლებს.

პარალელურად ისრაელი ღაზას სექტორში სამხედრო ოპერაციას განაგრძობს და სახმელეთო შეტევისთვის ემზადება. ისრაელის სამხედროებმა ადგილობრივ მოსახლეობას 24 საათი მისცეს, რომ ღაზას ჩრდილოეთ ნაწილი დატოვოს და სამხრეთ ღაზაში გადაინაცვლოს.