წყალმომარაგების სისტემის გაყვანისას მარნეულში კაცი გარდაიცვალა
მარნეულში, წყალმომარაგების სისტემის გაყვანაზე დასაქმებული პირი სამსახურებრივი მოვალეობის შესრულებისას დაიღუპა.
"რადიო მარნეული" თვითმხილველებზე დაყრდნობით წერს, მილების გასაყვანად ოთხი ადამიანი მუშაობდა.
"ისინი დაახლოებით 3-მეტრიან ორმოში მუშაობდნენ რა დროსაც მიწა მოწყდა და ერთი ადამიანი მოიყოლა", - წერს ადგილობრივი მედია.
შემთხვევის შედეგად სხვა დასაქმებული პირები არ დაშავებულან.
ცხედარი რუსთავის ექსპერტიზის ბიუროში გადაასვენეს. მომხდარზე დაწყებულია გამოძიება.
