"გადავარჩენ იმ ადამიანებს, რომლებიც ჩემნაირად შანტაჟის და ბულინგის მსხვერპლი არიან” - ვინ არის ჟურნალისტი, რომელმაც პირდაპირ ეთერში სუიციდი სცადა?
"ჩემი პროფესიული საქმიანობა დაუცველია ამ ქვეყანაში. ერთს მაინც გავაკეთებ – გადავარჩენ ათეულობით იმ ადამიანს, რომლებიც ჩემნაირად შანტაჟის და ბულინგის მსხვერპლია”, – დაწერა ქუთაისელა ჟურნალისტმა, ბუბა ჩივაძემ და ქუთაისში სახელმწიფო უსაფრთხოების სამსახურთან თვითდაზიანებები მიიყენა. ამ დროს მას "ფეისბუქლაივი” ჰქონდა ჩართული. ის უგონო მდგომარეობაში კლინიკაში გადაიყვანეს.
უგონო მდგომარეობაში მყოფი ჟურნალისტის დედა ამბობს, რომ შემთხვევამდე რამდენიმე წუთით ადრე ის სახლში იმყოფებოდა და მასთან არაფერზე უსაუბრია.
