როგორ ამოვიცნოთ ყალბი მეგობარი?

ყალბი მეგობრები არიან ადამიანები, რომლებიც მოჩვენებითად ზრუნავენ თქვენზე. რეალურად, ვინ არის ყალბი მეგობარი? 

ყალბი მეგობრები ყოველთვის არიან თქვენს გვერდით, როცა თავად რაღაც სჭირდებათ. ისინი შეიძლება გაქრნენ თქვენი საჭიროების დროს. 

მათთან ურთიერთობისას შესაძლოა ცალმხრივობა იგრძნოთ. მაგალითად, თქვენს შორის საუბარი მხოლოდ მათ ცხოვრებასა და მოსაზრებებს შეეხება. მათ შეიძლება არ გამოავლინონ დიდი ინტერესი თქვენი სიახლეების მიმართ.

ისინი არასანდოა და იშვიათად ასრულებენ დაპირებებს. რთულია მათზე იმედის დამყარება. მათ შეიძლება თქვენთან ერთად დასახონ გეგმები ან დაგპირდნენ, რომ რაღაცაში დაგეხმარებიან და ბოლო წუთს გაგიცრუონ იმედი, რის შედეგადაც ჩიხში გტოვებენ.

ასეთი ადამიანი ვერ იქნება თქვენი ერთგული. მათ შეიძლება ზურგს უკან უარყოფითად ისაუბრონ თქვენზე ან თუნდაც გაავრცელონ ჭორები თქვენს შესახებ.

ყალბმა მეგობრებმა შეიძლება მარტო დაგტოვონ, დაგამცირონ ან დაგცინონ სხვა ადამიანების წინაშე. მათ შეიძლება საფრთხე იგრძნონ თქვენი წარმატებით და მიღწევებით და ეცდებიან  დაგაკნინონ ან კონკურენცია გაგიწიონ.

მათი მეგობრობა ხშირად დამოკიდებულია იმაზე, თუ რისი მიღება შეუძლიათ თქვენგან, იქნება ეს სოციალური სტატუსი, ფულადი ან სხვა სახის სარგებელი. როგორც კი ისინი მიაღწევენ მიზანს, მათი ინტერესი თქვენდამი მცირდება.

მათ შესაძლოა გამოიყენონ დანაშაულის გრძნობა, მანიპულირება ან ემოციური შანტაჟი, რათა მიიღონ ის, რაც სურთ თქვენგან. ყალბი მეგობრები მუდმივად გადალახავენ ან უგულებელყოფენ თქვენს საზღვრებს - პირად სივრცეს, კონფიდენციალურობას ან ემოციურ საზღვრებს.

ყალბი მეგობრები გაცილებით მეტს იღებენ, ვიდრე გაძლევენ, თანაც გპირდებიან, რომ ნამდვილი მეგობრები არიან. მათ შეიძლება გიმტკიცონ, თუ რამდენად ზრუნავენ თქვენზე, თუმცა ისინი მხოლოდ გასართობ მომენტებში ჩნდებიან თქვენთან. 

წყარო: https://www.verywellmind.com/signs-of-a-fake-friend-7775483