მარნეულის ერთ-ერთ სოფელში არასრულწლოვანის ნიშნობის ფაქტი გამოვლინდა - რადიო მარნეული
"რადიო მარნეული" ავრცელებს ინფორმაციას, რომ მუნიციპალიტეტის ერთ-ერთ სოფელში არასრულწლოვანის ნიშნობის ფაქტი გამოვლინდა. მედია ამბობს, რომ ნიშნობის ფაქტი მერვე კლასელი გოგოს სკოლის დირექტორმა დაადასტურა.
"ინფორმაცია გადაცემულია შესაბამის ორგანოებში და მშობელი გამოძახებულია სკოლაში. ბავშვი სკოლას არ აცდენდა და თავადაც თქვა რომ სკოლაში სიარულს გააგრძელებს", - ამბობს სკოლის დირექტორი.
მათივე ცნობით, მარნეულის საგანმანათლებლო რესურს ცენტრი ფაქტთან დაკავშირებით ინფორმაციას არ ფლობს.
