„შეაჩერე პალესტინელი ხალხის ხოცვა ღაზაში“ -ათენში აქცია გაიმართა
ათენში 5 000-ზე მეტი ადამიანი აპროტესტებს ისრაელის თავდასხმას ღაზას სექტორში და ქვეყანას პალესტინელების ხოცვა-ჟლეტის შეწყვეტისკენ მოუწოდებს - ამის შესახებ ინფორმაციას newshub.ge ავრცელებს.
„ჩვენ ვიბრძვით ხალხის მშვიდობისთვის. შეაჩერე პალესტინელი ხალხის ხოცვა ღაზაში“, - აცხადებენ დემონსტრანტები.
აქციის მონაწილეები ისრაელს „მკვლელ სახელმწიფოს“ უწოდებენ. აქციის მონაწილეები ისრაელის საელჩოსკენ გაემართნენ.
შეგახსენებთ, რომ ისრაელზე სარაკეტო თავდასხმა 7 ოქტომბერს დაიწყო, რაზეც პასუხისმგებლობა ტერორისტულმა ორგანიზაცია „ჰამასმა" აიღო. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.