ისეთ ტალღაზეა ქალბატონი სალომე, ნებისმიერი რამის გაკეთება შეუძლია - კახა კალაძე სააკაშვილის შეწყალებაზე
„ქართული ოცნების“ გენერალური მდივანი, თბილისის მერი კახა კალაძე არ გამორიცხავს, რომ საქართველოს პრეზიდენტი "მთავარი არხის" დამფუძნებლის, ნიკა გვარამიას თხოვნას მიხეილ სააკაშვილის შეწყალებაზე დააკმაყოფილებს.
„არ ვიცი რა გადაწყვეტილებას მიიღებს სალომე ზურაბიშვილი. გამორიცხული არაფერი არ არის, იმიტომ, რომ ისეთ ტალღაზეა ქალბატონი სალომე, ნებისმიერი რამის გაკეთება შეუძლია ამ ადამიანს. თუ გავითვალისწინებთ კონსტიტუციის დარღვევას, იმ ხაზს რა ხაზსაც ატარებს, პირდაპირ რადიკალური ოპოზიციის „მესიჯებზეა“ და შეიძლება ითქვას, რომ ერთი დღის წესრიგი აქვთ.
ვერ გეტყვით რა გადაწყვეტილება იქნება მიღებული, თუმცა ამას არანაირი მნიშვნელობა აქვს, იმიტომ რომ სხვა კონკრეტული საკითხებია რაზეც გამოძიება მიმდინარეობს“,- განაცხადა კალაძემ.