თეგებით ძიება

სწორედ ეს ბიჭი აღმოჩნდა ზაპოროჟიეში, დაბომბვის დროს დაღუპულ იმ 20-ზე მეტ უკრაინელ ოფიცერს შორის - რა ინფორმაციას ავრცელებს ლაშა ბერულავა?

ჟურნალისტი ლაშა ბერულავა სოციალურ ქსელში სულისშემძვრელ ამბავს ავრცელებს:

საშინელ ტრაგედიაზე უნდა გიამბოთ: შეუძლებელია არ გვახსოვდეს 2022 წლის 23 აპრილს, ოდესის ცენტრში საცხოვრებელი სახლის დაბომბვის დროს დატრიალებული ტრაგედია (https://t.me/tvodishi/3197

), თავისი განსაკუთრებული დეტალებით: მაშინ ყველანი ვიზიარებდით იური გლოდანის მდგომარეობას, რომელიც მის სახლზე რაკეტის დაცემამდე რამდენიმე წუთით ადრე მაღაზიაში გავიდა, უკან მობრუნებულს კი მისი ცოლი ვალერია, გოგონა, 3 თვის კირა და დედამისი ლუდმილა რუსული რაკეტის აფეთქების შედეგად მოკლული დახვდა, სახლი და სახლთან ერთად, მთელი ცხოვრება კი დანგრეული... 

⬛️  სწორედ ეს ბიჭი აღმოჩნდა ზაპოროჟიეში, დაჯილდოების ცერემონიალის დაბომბვის დროს ( https://t.me/tvodishi/14881

 ) დაღუპულ იმ 20-ზე მეტ უკრაინელ ოფიცერს შორის, რომლებიც შაბათს, მეთაურის იდიოტურ გადაწყვეტილებას ემსხვერპლნენ...

▪️ პირადი ტრაგედიის შემდეგ იური, რომელიც ინდმეწარმე იყო და ოდესაში საყოველთაოდ ცნობილ სააღდგომო პასქებს აცხობდა, ფრონტზე წავიდა, იბრძოდა ჯერ "აზოვში", შემდეგ მე-3 მოიერიშეში, ბოლოს კი 128-ე მოიერიშე ბრიგადაში, სადაც სიცოცხლე დაასრულა კიდეც...- წერს ლაშა ბერულავა.

ცნობისთვის, რუ­სეთ­მა ზა­პო­რო­ჟი­ეს ერთ-ერთ სო­ფელ­ში, უკ­რა­ი­ნელ სამ­ხედ­რო­ებ­ზე სარაკეტო დარტყმა განახორციელა. შემ­თხვე­ვის შე­დე­გად 20-ზე მეტი ჯა­რის­კა­ცი და რამდენიმე მშვიდობიანი მცხოვრები დაიღუპა. მომხდარის გამო, უკრაინაში სამდღიანი გლოვა გამოცხადდა.


თეგები


მსგავსი სიახლეები

რეკომენდირებულია თქვენთვის

ყველა

აღმოაჩინეთ მეტი Tia-დან

ყველა