არ მაქვს ინფორმაცია ამ საკითხთან დაკავშირებით - პესკოვი კირბალში მომხდარზე
რუსეთის პრეზიდენტის პრესმდივანმა დიმიტრი პესკოვმა თქვა, რომ გორის მუნიციპალიტეტის სოფელ კირბალის მიმდებარედ, რუსი ოკუპანტების მიერ საქართველოს 1 მოქალაქის მოკვლის და 1-ის გატაცების შესახებ ინფორმაცია არ აქვს. ამის შესახებ Ekho Kavkaza წერს,
„არა, მე არ მაქვს ინფორმაცია ამ საკითხთან დაკავშირებით, არ არსებობს ინფორმაცია“, - განუცხადა კრემლის სპიკერმა ჟურნალისტებს.
გორის მუნიციპალიტეტის სოფელ კირბალთან, ოკუპირებულ ტერიტორიაზე, ადგილობრივი მაცხოვრებლის უკანონოდ დაკავების მცდელობისას რუსეთის საოკუპაციო ძალების ჯარისკაცმა საქართველოს მოქალაქე თამაზ გინტური მოკლა. მისი თანმხლები პირი ლევან დოთიაშვილი გატაცებულია.