ირაკლი ღარიბაშვილი ემანუელ მაკრონს შეხვდა
საქართველოს პრემიერ-მინისტრი ირაკლი ღარიბაშვილი საფრანგეთის პრეზიდენტ ემანუელ მაკრონს შეხვდა.
შეხვედრის ამსახველი ფოტო სოციალურ ქსელ „ტვიტერში“ ირაკლი ღარიბაშვილმა გამოაქვეყნა.
პრემიერ-მინისტრი საფრანგეთში სამუშაო ვიზიტით გუშინ გაემგზავრა. ირაკლი ღარიბაშვილი, მსოფლიო ლიდერებთან ერთად, პარიზის მშვიდობის ფორუმში მიიღებს მონაწილეობას.
მთავრობის ადმინისტრაციის ინფორმაციით, სამუშაო ვიზიტის ფარგლებში, პრემიერ-მინისტრი მაღალი დონის შეხვედრებს გამართავს.
