ბათუმში ერთმანეთს 2 მსუბუქი ავტომობილი შეეჯახა - დაშავდა 3 ადამიანი
ავტოსაგზაო შემთხვევა ბათუმში - ჯავახიშვილის ქუჩაზე ერთმანეთს ორი მსუბუქი ავტომობილი შეეჯახა.
რეგიონული გამოცემა "ბათუმელების" ინფორმაციით ავარიის შედეგად მსუბუქად დაშავდა 3 ადამიანი, რომლებიც კლინიკაში გადაიყვანეს.
მომხდარზე შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
