რამ გამოიწვია ერევნის უნივერსიტეტში აფეთქება? - ახალი დეტალები

დღეს, 17 ნო­ემ­ბერს, ერევ­ნის სა­ხელ­მწი­ფო უნი­ვერ­სი­ტეტ­ში აფეთ­ქე­ბა მოხ­და. სომ­ხუ­რი მე­დი­ის ინ­ფორ­მა­ცი­ით, შემ­თხვე­ვის შე­დე­გად და­ი­ღუ­პა ერთი და და­შავ­და სამი ადა­მი­ა­ნი.

და­შა­ვე­ბუ­ლე­ბის შო­რის ერთ-ერთი არის პო­ლი­ცი­ე­ლი, რო­მე­ლიც აფეთ­ქე­ბის შემ­დეგ სა­მაშ­ვე­ლო ღო­ნის­ძი­ე­ბებ­ში მო­ნა­წი­ლე­ობ­და. სა­მარ­თალ­დამ­ცველ­თა გან­ცხა­დე­ბით, მან ჩა­ი­სუნ­თქა დიდი ოდე­ნო­ბით კვამ­ლი, რის გა­მოც ცუ­დად გახ­და და მისი ჰოს­პი­ტა­ლი­ზე­ბა გახ­და სა­ჭი­რო.

რაც შე­ე­ხე­ბა აფეთ­ქე­ბის შე­დე­გად და­ღუ­პულს, "არ­მენპ­რე­სის" ინ­ფორ­მა­ცი­ით, ის უნი­ვერ­სი­ტე­ტის ად­მი­ნის­ტრა­ცი­ის თა­ნამ­შრო­მე­ლია. და­ნარ­ჩე­ნი და­შა­ვე­ბუ­ლე­ბიც ასე­ვე უნი­ვერ­სი­ტე­ტის ად­მი­ნის­ტრა­ცი­ის თა­ნამ­შრომ­ლე­ბი არი­ან.

მე­დი­ის ცნო­ბით, აფეთ­ქე­ბა უნი­ვერ­სი­ტე­ტის ქი­მი­ის ფა­კულ­ტე­ტის შე­ნო­ბის სარ­დაფ­ში მოხ­და. პო­ლი­ცი­ის თქმით, ამ ოთახ­ში გან­თავ­სე­ბუ­ლი იყო ე.წ. სა­ტუმ­ბი და­ნად­გა­რი და ასე­ვე იყო გა­მო­ყო­ფი­ლი გა­სახ­დე­ლი სივ­რცე თა­ნამ­შრომ­ლე­ბის­თვის. მიმ­დე­ბა­რე ოთახ­ში კი არის ქი­მი­უ­რი მა­სა­ლე­ბის სა­ცა­ვი, რო­მე­ლიც არ და­ზი­ა­ნე­ბუ­ლა. სა­მარ­თალ­დამ­ცველ­თა ინ­ფორ­მა­ცი­ით, ამ დრო­ის­თვის უკვე და­ათ­ვა­ლი­ე­რეს და შე­ა­მოწ­მეს ტე­რი­ტო­რია ქი­მი­კო­სებ­მა და სხვა სპე­ცი­ა­ლის­ტებ­მა და დად­გინ­და, რომ ჰა­ერ­ში არ გაფ­რქვე­უ­ლა სა­ხი­ფა­თო ნივ­თი­ე­რე­ბე­ბი.

ჯან­დაც­ვის სა­მი­ნის­ტროს ცნო­ბით, ჰოს­პი­ტა­ლი­ზე­ბუ­ლი სამი და­ზა­რა­ლე­ბუ­ლი­დან ერ­თის მდგო­მა­რე­ო­ბა მძი­მეა.

უნი­ვერ­სი­ტე­ტის სპი­კერ­მა ქნარ მი­სა­კი­ან­მა გა­ნა­ცხა­და, რომ შე­ნო­ბა­ში ჯერ გაჩ­ნდა ხან­ძა­რი, რა­საც მოჰ­ყვა აფეთ­ქე­ბა. მისი თქმით, ხან­ძა­რი სა­ვა­რა­უ­დოდ, ძაბ­ვის მერ­ყე­ო­ბამ გა­მო­იწ­ვია. მი­სი­ვე ცნო­ბით, ხან­ძრის გა­მომ­წვე­ვი მი­ზე­ზი არ ყო­ფი­ლა ად­გილ­ზე შე­ნა­ხუ­ლი ქი­მი­უ­რი მა­სა­ლე­ბი. ხან­ძა­რი ამ დრო­ის­თვის ლო­კა­ლი­ზე­ბუ­ლია.