როდიდან უნდა ჩაირთოს სკოლებში გათბობა და ვის შეგიძლიათ მიმართოთ, თუკი ფიქრობთ, რომ სასკოლო სივრცეში გათბობის ჩართვა გვიანდება
საქართველოს მთელ ტერიტორიაზე ჰაერის ტემპერატურამ დაიკლო. როგორც გარემოს ეროვნულ სააგენტოში განგვიცხადეს, მომდევნო დღეებში ტემპერატურა კვლავ შემცირდება. ზოგიერთ სკოლაში გათბობა უკვე ჩართულია, ზოგან კი დირექტორს ჩართვის გადაწყვეტილება არ მიუღია. მშობლები ამბობენ, რომ დილისა და საღამოს საათებში უკვე განსაკუთრებით ცივა და ბავშვებს დისკომფორტი ექმნებათ. გვთხოვეს, გადაგვემოწმებინა, არსებობს, თუ არა კონკრეტული თარიღი, როდესაც სკოლამ გათბობა უნდა ჩართოს.
როგორც განათლებისა და მეცნიერების სამინისტროში გვითხრეს, სკოლებისთვის გათბობის ჩართვის კონკრეტულ თარიღს სამინისტრო არ ადგენს და შესაბამის გადაწყვეტილებას ადმინისტრაცია იღებს. სკოლები თავად საზღვრავენ, როდის ჩართავენ გათბობას.
ამიტომაც, თუ თქვენ სკოლაში გათბობა ჩართული არ არის და ფიქრობთ, რომ ბავშვებს დისკომფორტი ექმნებათ, შეგიძლიათ, სკოლის ადმინისტრაციას მიმართოთ და ჩართვა მოითხოვოთ.
წყარო: მშობლები.გე
