სანქციების გამო რუსეთის ფედერაციამ 76 თვითმფრინავი დაკარგა
უკრაინის წინააღმდეგ გაჩაღებული ომის გამო, რუსეთმა 76 სამგზავრო თვითმფრინავი დაკარგა. ამის შესახებ საინფორმაციო სააგენტო RBC-ს, ტრანსპორტის მინისტრმა ვიტალი საველიევმა განუცხადა.
მისი თქმით, 76 თვითმფრინავი, რომლებიც საზღვარგარეთ იმყოფებოდნენ ტექნიკურ ავტოსადგომებზე, აეროპორტებში დააკავეს, რასაც რუსეთი არ მოელოდა.
ლაპარაკია რუსული ავიაკომპანიების თვითმფრინავებზე, რომლებიც საზღვარგარეთ დაფრინავდნენ იმ ქვეყნებში, რომლებიც სანქციებს შეუერთდნენ. ეს თვითმფრინავები ძირითადად უცხოურ კომპანიებს ეკუთვნოდა და ისინი რუსულ ავიაგადამზიდველებს ლიზინგით ჰყავდათ ექსლუატაციაში.
