ვახტანგ ჩარკვიანის გარდაცვალების საქმეზე ბრალდებულ ექიმს სასამართლომ 12 000 ლარიანი გირაო შეუფარდა
ახალგაზრდა ფეხბურთელის, ვახტანგ ჩარკვიანის გარდაცვალების საქმეზე ბრალდებულ ექიმს აღკვეთის სახით თბილისის საქალაქო სასამართლომ 12 000 ლარიანი გირაო შეუფარდა. ქეთევან ცერცვაძის პროცესი ცოტა ხნის წინ დასრულდა.
პროკურატურამ სხდომაზე 15 000 ლარის ოდენობით გირაოს შუამდგომლობა დააყენა.
პროკურატურამ, პაციენტისთვის ჩატარებული არასათანადო მკურნალობის გამო, ნიკოლოზ ყიფშიძის სახელობის ცენტრალურ საუნივერსიტეტო კლინიკის თერაპიული განყოფილების ხელმძღვანელს ბრალი გუშინ წარუდგინა.
საგამოძიებო უწყება ამტკიცებს, რომ ექიმმა არ გაითვალისწინა პაციენტის კლინიკური მდგომარეობის მართვის შესაბამისი პროტოკოლი და პაციენტს მედიკამენტური მკურნალობა აუცილებელი კვლევის ჩატარების გარეშე დანიშნა, რამაც პაციენტის ჯანმრთელობის მდგომარეობა დაამძიმა და მისი გარდაცვალება გამოიწვია.
