ავტოსაგზაო შემთხვევა სენაკში - დაშავებულია 4 ადამიანი
სენაკში ავტოსაგზაო შემთხვევა მოხდა. არსებული ცნობით, ერთმანეთს ორი ავტომობილი შეეჯახა. შედეგად, დაშავდა ოთხი ადამიანი. ისინი სამედიცინო დაწესებულებებში გადაიყვანეს.
მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და გარემოების მიხედვით ერთიდან ცხრა წლამდე პატიმრობას ითვალისწინებს.
