ნიუ-იორკზე სამჯერ დიდი ფართობის აისბერგი, რომელსაც 37 წელი მეჩეჩი აკავებდა, ადგილიდან დაიძრა (ვიდეო)
მსოფლიოს უდიდესი აისბერგი, რომელიც 30 წლის განმავლობაში ოკეანის ფსკერზე იყო მიჯაჭვული, ამოძრავდა.
A23a - ასე უწოდებენ აისბერგს, რომელიც ანტარქტიდის სანაპირო ზოლზე 1986 წელს წარმოიქმნა. ის ბოლო რამდენიმე წელია ამოძრავდა, საბოლოოდ, ვედელის ზღვაში გაჩერდა და არსებითად, ყინულის კუნძულად იქცა. მისი ფართობი 4 000 კვ. კმ-ია, რაც ორჯერ აღემატება დიდი ლონდონის ადმინისტრაციულ ერთეულს.
A23a-ს ყინულის სისქე დაახლოებით 400 მეტრია, რაც ევროპის ყველაზე მაღალი ცათამბჯენის სიმაღლეს 90 მეტრით აღემატება.
მეცნიერების თქმით, თუ A23a სამხრეთ ჯორჯიას კუნძულთან გაჩერდება, ეს მილიონობით სელაპს, პინგვინს და ზღვის ფრინველების სხვა სახეობებს პრობლემებს შეუქმნის. თუმცა ისინი დასძენენ, რომ აისბერგების მხოლოდ საფრთხის ობიექტებად აღქმა, არასწორი იქნება. როცა ასეთი დიდი ზომის აისბერგები დნება, ისინი მინერალურ მტვერს ათავისუფლებენ, რომელიც მათში ჯერ კიდევ მაშინ შეერთდა, როცა ისინი ანტარქტიდის კლდოვანი მყინვარების ნაწილი იყო. ეს მტვერი იმ ორგანიზმების საკვები ნივთიერებების წყაროა, რომლებიც ოკეანეში კვების ჯაჭვს ქმნიან. "ეს აისბერგები, მრავალი თვალსაზრისით, მაცოცხლებელია. ისინი მრავალი ბიოლოგიური აქტივობის საწყის წერტილს წარმოადგენენ",- აცხადებს დოქტორი კეტრინ უოკერი ვუდს ჰოლის ოკეანოგრაფიული ინსტიტუტიდან.