ღაზაში პაუზის გასაგრძელებლად, რაც შეგვიძლია, ყველაფერს ვაკეთებთ - ენტონი ბლინკენი
ღაზაში პაუზის გასაგრძელებლად, რაც შეგვიძლია, ყველაფერს ვაკეთებთ, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
„მომდევნო რამდენიმე დღის განმავლობაში, ჩვენ ორიენტირებულები ვიქნებით იმაზე, რომ ღაზაში პაუზის გასაგრძელებლად, რაც შეგვიძლია, ყველაფერი გავაკეთოთ, რათა მეტი მძევლის გამოყვანა და მეტი ჰუმანიტარული დახმარების შეტანა შევძლოთ“, - განაცხადა ბლინკენმა.
ბლინკენმა ბრიუსელში გამართულ პრესკონფერენციაზე განაცხადა, რომ აშშ ისრაელთან ერთად მუშაობს იმაზე, რომ 7 ოქტომბრის მსგავსი ტერორისტული თავდასხმები აღარ განმეორდეს.
„ჩვენ ვაგრძელებთ ჩვენს ძალისხმევას, რომ კონფლიქტის გავრცელება თავიდან ავიცილოთ და ჩვენს მიზანს ამერიკელი და სხვა უცხო ქვეყნის მოქალაქეების ღაზადან უსაფრთხოდ გამოყვანა წარმოადგენს“, - აღნიშნა აშშ-ის სახელმწიფო მდივანმა.
