2024 წელს ეუთო-ს თავმჯდომარე მალტა გახდება
2024 წელს ეუთო-ს თავმჯდომარე მალტა გახდება, - ამის შესახებ ჩრდილოეთ მაკედონიის საგარეო საქმეთა მინისტრმა და ეუთო-ს თავმჯდომარემ, ბუიარ ოსმანიმ ეუთო-ს მინისტერიალის გახსნით სხდომაზე განაცხადა.
„მალტის რესპუბლიკამ ეს მნიშვნელოვანი პასუხისმგებლობა ყველა წევრი სახელმწიფოს თანხმობით აიღო. დარწმუნებული ვარ, რომ ესტონეთი ეუთო-ს დამსახურებული თავმჯდომარე გახდება და ეს მომენტი ძალიან მალე დადგება“, - განაცხადა ბუიარ ოსმანიმ.
ეუთო-ს წევრი სახელმწიფოების საგარეო საქმეთა მინისტრები მალტისთვის თავმჯდომარეობის გადაცემას ხვალ დაადასტურებენ.
შეგახსენებთ, რომ გასულ კვირას რუსეთმა და ბელარუსმა ესტონეთის მომავალ თავმჯდომარედ დანიშვნას ვეტო დაადეს
