ლავროვმა ეუთო-ს მინისტერიალზე განაცხადა, რომ ორგანიზაცია „უფსკრულის პირასაა“ და სიტყვით გამოსვლის შემდეგ მან დარბაზი დატოვა
ეუთო უფსკრულის პირას არის, - ამის შესახებ რუსეთის საგარეო საქმეთა მინისტრმა, სერგეი ლავროვმა ეუთო-ს მინისტერიალის გახსნით შეხვედრაზე განაცხადა.
„მოდით, ვაღიაროთ, რომ ორგანიზაცია უფსკრულის პირას არის. ჩნდება მარტივი კითხვა: აქვს თუ არა აზრი მისი გაცოცხლებისთვის ძალების მობილიზებას“, - განაცხადა ლავროვმა.
„ეუთო არსებითად ნატო-სა და ევროკავშირის დანართად იქცევა“, - აღნიშნა რუსეთის საგარეო საქმეთა მინისტრმა.
აღსანიშნავია, რომ სიტყვით გამოსვლის შემდეგ ლავროვმა დარბაზი მალევე დატოვა და სხვა წარმომადგენლებს არ მოუსმინა.
