Tesla-მ ელექტროპიკაპ Cybertruck-ის მიწოდება დაიწყო
კომპანია Tesla-მ ელექტროპიკაპ Cybertruck-ის მიწოდება დაიწყო. ამის შესახებ The Financial Times-ი წერს.
ელექტრომობილის ღირებულება 60 990 დოლარიდან იწყება, მიუხედავად იმისა, რომ 2019 წელს, როდესაც Cybertruck-ის პრეზენტაცია გაიმართა, კომპანიაში აცხადებდნენ, რომ პიკაპის ფასი დაახლოებით 40 000 დოლარი იქნებოდა.
Cybertruck-ის წარმოების დაწყება 2021 წელს იგეგმებოდა, თუმცა შემდეგ ეს ვადები ორი წლით გადაიდო.
მანამდე Tesla-ში აცხადებდნენ, რომ Cybertruck-ზე მიღებული წინასწარი შეკვეთების რაოდენობამ მილიონს გადააჭარბა. ელექტრომობილს ტეხასში მდებარე ერთ-ერთ ქარხანაში უშვებენ. ქარხნის საწარმოო სიმძლავრე წელიწადში 250 000 ელექტროპიკაპს შეადგენს, თუმცა ამ მაჩვენებლებზე გასვლას Tesla 2025 წელს აპირებს.