კორუფციაში დადანაშაულებული ბენიამინ ნეთანიაჰუს სასამართლო პროცესი განახლდა
ისრაელის პრემიერ-მინისტრის ბენიამინ ნეთანიაჰუს წინააღმდეგ წარდგენილ ბრალდებებზე სასამართლო პროცესი განახლდა. ამის შესახებ ადგილობრივი მედია იტყობინება.
საქმეზე, რომელსაც იერუსალიმის რაიონული სასამართლო განიხილავს, სასამართლო პროცესი 7 ოქტომბრის „ჰამასის“ თავდასხმის შემდეგ შეჩერდა. შესაბამის საგანგებო დადგენილებას, რომელიც ისრაელის იუსტიციის მინისტრმა, იარივ ლევინმა გამოსვა, მოქმედების ვადა გასულ კვირაში გაუვიდა. ამის შემდეგ სასამართლომების უმეტესობა მუშაობის ნორმალურ რეჟიმს დაუბრუნდა.
ამჟამად ნეთანიაჰუს მიეცა ნებართვა, არ დაესწრეს სასამართლო სხდომებს, მაგრამ ის შეიძლება დაიბარონ ჩვენების მისაცემად უახლოეს თვეებში.
ისრაელის პრემიერს ერთ საქმეზე ქრთამის აღებაში, თაღლითობაში და ნდობის ბოროტად გამოყენებაში, კიდევ ორ საქმეზე კი თაღლითობასა და ნდობის ბოროტად გამოყენებაში ადანაშაულებენ. ნეთანიაჰუ წარდგენილ ბრალდებებს არ აღიარებს.
