ზუგდიდის საკრებულოში "ნაციონალური მოძრაობის" 14-მა წევრმა პარტია დატოვა
ზუგდიდის საკრებულოში ნაციონალური მოძრაობის წევრებმა პარტია დატოვეს. საკრებულოს 22 წევრიდან 14 დეპუტატმა პარტია ნიკა მელიას მიმართ სოლიდარობის ნიშნად დატოვა, რასაც აპარატის 3 თანამშრომელიც შეუერთდა. როგორც ისინი აცხადებენ, ოლიგარქიული რეჟიმის წინააღმდეგ ბრძოლას ისინი მელიასთან ერთად გააგრძელებენ. პარტიიდან წამოსულმა დეპუტატებმა საზოგადოებას საკუთარი გადაწყვეტილება საჯარო ბრიფინგით აცნობეს.
შეგახსენებთ, გუშინ, 4 დეკემბერს, ენმ დატოვა ბათუმის ორგანიზაციის წევრების ნაწილმა, მათ შორის საკრებულოს დეპუტატებმა და უმაღლესი საბჭოს წევრმა, გიორგი კირთაძემ.
