„ტრამპი ბაიდენს 4%-ით უსწრებს“ - WSJ-ის საარჩევნო გამოკითხვა
აშშ-ის ყოფილი პრეზიდენტი დონალდ ტრამპი თეთრი სახლის ამჟამინდელ პრეზიდენტს ჯო ბაიდენს 2024 წლის საპრეზიდენტო არჩევნებთან დაკავშირებით ჩატარებულ გამოკითხვაში უსწრებს. მონაცემები Wall Street Journal-ის გამოკითხვამ აჩვენა.
გამოკითხვის თანახმად, ტრამპი ბაიდენს 4%-ით უსწრებს. გამოკითხვაში ტრამპს 47% აქვს, ხოლო ბაიდენს 43%.
გამოკითხვამ აჩვენა, რომ ბაიდენს ყველაზე დაბალი რეიტინგი აქვს თავისი პრეზიდენტობის პერიოდში.
ამომრჩეველთა მხოლოდ 23% ამბობს, რომ ბაიდენის პოლიტიკა მათ დაეხმარა, ხოლო 53% ამბობს, რომ პრეზიდენტის დღის წესრიგმა ზიანი მიაყენა.
ამომრჩეველთა დაახლოებით ნახევარი ამბობს, რომ ტრამპის პოლიტიკამ მათზე პოზიტიური გავლენა იქონია, ხოლო 7%-ზე მეტი ამბობს, რომ ტრამპის პოლიტიკით იზარალეს.
Wall Street Journal-ის გამოკითხვა მოიცავდა 1500 რეგისტრირებულ ამომრჩეველს 29 ნოემბრიდან 4 დეკემბრამდე და ჰქონდა ცდომილების ზღვარი პლუს-მინუს 2,5 პროცენტული პუნქტით.