უკრაინას ევროპელმა მოკავშირეებმა უმტყუნეს - CNN
უკრაინას ევროპელმა მოკავშირეებმა უმტყუნეს - ამ სათაურით სტატიას ტელეკომპანია CNN-ი აქვეყნებს. ტელეკომპანიის ვებგვერდზე გამოქვეყნებულ სტატიაში ნათქვამია, რომ დასავლეთში უკრაინაში ომისგან დაღლილობა შეიმჩნევა.
ამის მტკიცებულებად CNN-ს ამერიკის შეერთებულ შტატებში უკრაინისთვის დახმარების გამოყოფის საკთხზე მიმდინარე მწვავე დებატები და უკრაინის ევროკავშირში გაწევრიანების მოლაპარაკებების დაწყებასთან დაკავშირებული სირთულეები მოჰყავს.
პრეზიდენტ ვოლოდიმირ ზელენსკის უფროსმა მრჩეველმა CNN-ს განუცხადა, რომ რამდენადაც ევროპულ ბლოკში გაწევრიანება კიევისთვის ნატოს წევრობასთან პირდაპირ კავშირშია, ევროპელი მოკავშირეების ყოყმანი უარყოფით გზავნილად აღიქმება. CNN-ის ცნობით, კიევში შიშობენ, რომ ეს რუსეთის აგრესიას კიდევ უფრო მეტად წაახალისებს.
