ექსტრემისტ ებრაელ ახალმოსახლეებს დიდი ბრიტანეთში შესვლა ეკრძალებათ - დევიდ კამერონი
ექსტრემისტ ებრაელ ახალმოსახლეებს დიდი ბრიტანეთში შესვლა ეკრძალებათ, - ამის შესახებ ინფორმაციას დიდი ბრიტანეთის საგარეო საქმეთა მინისტრი, დევიდ კამერონი ავრცელებს.
„ექსტრემისტი ახალმოსახლეები მშვიდობიანი პალესტინელი მოსახლეობის მიზანში ამოღებით, როგორც ისრაელის მოსახლეობის, ისე პალესტინელების უსაფრთხოებასა და სტაბილურობას უთხრიან ძირს. ისრაელმა ახალმოსახლეების ძალადობის შესაჩერებლად უფრო მკაცრი ზომები უნდა მიიღოს და დამნაშავეები პასუხისგებაში მისცეს.
ჩვენ იმ პირებს, რომლებიც ახალმოსახლეების ძალადობაზე არიან პასუხისმგებელნი, დიდ ბრიტანეთში შესვლას ვუკრძალავთ, რათა დავრწმუნდეთ, რომ ჩვენი ქვეყანა იმ ადამიანების სახლს არ წარმოადგენს, რომლებიც ასეთ საშინელ ქმედებებს სჩადიან“, - წერს დევიდ კამერონი X-ზე (ყოფილი „ტვიტერი“).
შეგახსენებთ, გასულ კვირას მსგავსი აკრძალვა ამერიკის შეერთებულმა შტატებმაც მიიღო.
