კახა კალაძე თბილისის მძიმე განაჩენად იქცა - გიორგი ვაშაძე

კალაძის სატრანსპორტო პოლიტიკამ სრული კოლაფსი გამოიწვია. რატომ? - არ ეკითხებიან სპეციალისტებს, არ ეკითხებიან არავის და ჯიუტად რაღაცას აკეთებენ, - ამის შესახებ პარტია “სტრატეგია აღმაშენებლის” ლიდერმა, გიორგი ვაშაძემ განაცხადა.

მისი თქმით, თბილისისთვის კახა კალაძე მძიმე განაჩენად იქცა.

„ოღონდ, თვითონაც არ იციან იმის შინაარსი, რასაც აკეთებენ, შესაბამისად, გვაქვს უმძიმესი ვითარება და გუშინ, სწორედ ამის პრეზენტაცია გვქონდა. ჩვენ ვესაუბრებით სპეციალისტებს და მზად ვართ, კალაძესთან მივიდეთ, მივიტანოთ კონკრეტული ხედვა, როგორც ვუშველოთ ამას მოკლევადიან, საშუალო და გრძელვადიან პერსპექტივაში, რაზეც ის უზრდელობით გვაპასუხობს. აი, ეს არის რეალობა. კალაძის კოლაფსი, კალაძის საცობი ჰქვია იმას, რაც ქალაქშია.

რაც შეეხება რამდენიმე ავარიისთვის დაბრალება, როგორ წარმოგიდგენიათ, რომ ორმა და სამმა ავარიამ ქალაქის კოლაფსი გამოიწვიოს?! - ე.ი. პირიქით ეს დასტურია იმის, რომ სრული კრახი გაქვს სატრანსპორტო პოლიტიკაში.

ეს ადამიანი, კახა კალაძე მძიმე განაჩენად იქცა თბილისის, ეს არის რეალობა”, - განაცხადა ვაშაძემ.