ხაჭაპური წლის საუკეთესო ღვეზელად აღიარეს
TasteAtlas-მა 2023 წლის „საუკეთესო ღვეზელად “ხაჭაპური დაასახელა. ამის შესახებ ინფორმაცია TasteAtlas-ის X-ის (Twitter) გვერდზე გავრცელდა.
„ხაჭაპური საქართველოს ყველაზე ცნობილი კერძია. ის დაფარულია ყველით, მასში ამატებენ კვერცხს და უსვამენ კარაქს. არსებობს ხაჭაპურის სხვადასხვა სახეობა, მასში სხვადასხვა ყველი გამოიყენება, მათ შორის მოცარელა. ყველაზე ხშირად ხაჭაპურში გამოიყენება ქართული სულგუნი ან იმერული ყველი.
ხაჭაპური სხვადასხვა ფორმისაა. მისი ჭამა შეიძლება როგორც მთლიანად, ასევე, დაჭრილ მდგომარეობაში. ყველაზე გავრცელებულია იმერული ხაჭაპური, რომელიც მრგვალი ფორმისაა და აჭარული ხაჭაპური, რომელიც ჰგავს ნავს, მასში დამატებულია უმი კვერცხი და კარაქი“, - წერს TasteAtlas.
