დიკაპრიოს ქონება, ჰოლივუდური შემოსავალი და ინვესტიციები ეკოლოგიაში
ლეონარდო დიკაპრიო ცნობილი ამერიკელი მსახიობი და კინოპროდიუსერია, რომელსაც ვარსკვლავური რეზიუმე აქვს. ჰოლივუდის მეგავარსკვლავის ბრწყინვალე კარიერა ბევრ შესანიშნავ ბლოკბასტერს მოიცავს, რამაც მისი არსებული კარიერაც განსაზღვრა.
"ტიტანიკის" მსახიობი უდაოდ საუკეთესოა ჰოლივუდის კონკურენტულ სამყაროში. თუმცა, წარმატებამდე იყო უამრავი დაბრკოლება, იმედგაცრუება და სირთულე, რომელსაც ლეონარდო სხვადასხვა ინტერვიუებში თავად აღწერს.
მისი პორტფელი საუკეთესოდ შეიძლება შეფასდეს, როგორც გარემოსდაცვითი ცნობიერებისა და წარმატებული სამეწარმეო მცდელობების შერწყმა.
გასაკვირი არ არის, რომ დიკაბრიოს წმინდა ქონება 300 მილიონ დოლარს შეადგენს. თუმცა მსახიობს კარიერის დასაწყისში აგენტის პოვნა უჭირდა. ამავდროულად, უთვალავი აუდიენციების შემდეგ უმუშევრად ყოფნა მის მდგომარეობას მხოლოდ ართულებდა.
ახალგაზრდა ლეონარდო სფეროს სამუდამოდ დატოვებაზეც კი ფიქრობდა. თუმცა, მამის შეუპოვრობისა და რწმენის წყალობით, ერთ დღესაც ორივეს გაუმართლა.
1990-იანი წლების დასაწყისი დიკაპრიოს კარიერისთვის უფრო ხელსაყრელი აღმოჩნდა. დამწყები მსახიობი სხვადასხვა სატელევიზიო შოუში და რეკლამებში მუშაობდა. მცირე როლები საბოლოოდ აღიარების ნაკადად მაშინ გადაიქცა, როდესაც ლეოს დებიუტი დაბალბიუჯეტიან საშინელებათა ფილმში Critters 3-ში შედგა.
სანამ კრიტიკოსები ათვალიერებდნენ ფილმს, დიკაპრიოს, როგორც მსახიობის უზარმაზარი პოტენციალი, გასართობი ინდუსტრიის ბევრმა აღიარებულმა შემოქმედმა აღმოაჩინა. ცოტა ხანში, ლეოს თავდაჯერებულობა კიდევ უფრო გაიზრდება, როდესაც ჰოლივუდის ახალბედა მეგავარსკვლავი პრესტიჟულ "ოსკარზე" და "ოქროს გლობუსზე" იქნება ნომინირებული, საუკეთესო მეორეხარისხოვანი მსახიობის კატეგორიაში.
1996 წელს ის ბლოკბასტერულ რომანტიკულ კრიმინალურ ტრაგედია “რომეო და ჯულიეტაში“ გამოჩნდა, რაც მისთვის გადამწყვეტი იყო.
მოგვიანებით, ლეონარდომ რეჟისორ ჯეიმს კამერონის ყურადღება მიიპყრო. ცნობილ რეჟისორს გადაღებული ჰქონდა ჰოლივუდის მეგა ჰიტები - მათ შორის 1986 წლის საშინელებათა ფილმი The Terminator და 1994 წლის ამერიკული სამოქმედო კომედია True Lies.
კამერონმა დიკაპრიოს 1997 წელს ამერიკულ ეპიკურ რომანში და ფილმში „ტიტანიკი“ მთავარი როლი შესთავაზა. Titanic-მა სალაროებში რეკორდები დაამყარა და მსოფლიო მასშტაბით 1,80 მილიარდი დოლარი გამოიმუშავა. ფილმმა გრძელვადიანი გავლენა მოახდინა როგორც მოზრდილებზე, ისე მოზარდებზე. სურათმა კრიტიკოსების დიდი მოწონება დაიმსახურა. ფილმის უზარმაზარი წარმატების წყალობით, ლეონარდო კარიერულ მწვერვალზე იყო. სწორედ ამ როლმა იგი მსოფლიოში ერთ-ერთ ყველაზე პოპულარულ ვარსკვლავად აქცია.
ტიტანიკის დიდი წარმატების შემდეგ, ლეონარდო დიკაპრიო გახდა ერთ-ერთი ყველაზე წარმატებული და სანდო პროფესიონალი გართობის ინდუსტრიაში.
როგორც მისი ბევრ ჰოლივუდელ კოლეგას, დიკაპრიოსაც აქვს მიდრეკილება ძვირად ღირებული სახლების შეძენისა და მათი ბაზარზე უფრო მაღალ ფასად გაყიდვისაკენ.
მისი პირველი ინვესტიცია უძრავ ქონებაში განხორციელდა 1998 წელს, როდესაც იყიდა სახლი მალიბუში 1,6 მილიონ დოლარად, ხოლო, გავრცელებული ინფორმაციით, 2021 წელს 10,3 მილიონ დოლარად გაყიდა.
ლეოს უძრავი ქონების პორტფელი დღეს უძრავი ქონების ბაზარზე 100 მილიონ დოლარზე მეტი ღირს. იგი მოიცავს ოკეანისპირა მალიბუს ქონებას, რომლის ღირებულებაა 23 მილიონი დოლარი და პალმ სპრინგსის სასახლე, რომლის ღირებულებაც 5,2 მილიონი დოლარია.
ასევე ფლობს ათზე მეტ სახლს სამხრეთ კალიფორნიაში. 2005 წელს დიკაპრიომ ბელიზის სანაპიროსთან კერძო კუნძული Blackadore Caye იყიდა და კუნძული ეკოკურორტად აქცია.
დიკაპრიო არის განახლებადი ენერგიის მომხრე და ინვესტიციას ახორციელებს მზის ენერგიის სტარტაპებში, მათ შორის Kingo Energy და Powerhive. ის მუშაობს Champagne J. De Obvious Ventures-სა და Data Point Capital-ის საბჭოს წევრად, სხვა ბიზნეს საწარმოებთან ერთად.
ლეომ ასევე ჩადო ინვესტიცია საათების ბრენდ ID Geneve-ში, რომელიც თავის ციფერბლატებს შვეიცარიაში გადამუშავებული ფოლადისგან ამზადებს. ხოლო საინვესტიციო ტრეკერის PitchBook-ის თანახმად, დიკაპრიომ მხოლოდ 2023 წელს ხუთ ბიზნესში ჩადო ინვესტიცია.
დიკაპრიო ცნობილია ხელოვნების სიყვარულით და წლების განმავლობაში აგროვებდა შთამბეჭდავ კოლექციას. მისი ხელოვნების კოლექცია მოიცავს ისეთი ცნობილი მხატვრების ნამუშევრებს, როგორებიც არიან ედ რუშა და სალვადორ დალი.
მისი პორტფელი ასევე მოიცავს ვეგანური ხორცის ბრენდს Beyond Meat, Neat Burgfer და Califia Farms-ს.
წყარო: therichest
