დღეს ზამთრის კურორტები საზეიმოდ გაიხსნება
ზამთრის სეზონი ქვეყნის კურორტებზე დღეს საზეიმოდ გაიხსნება. გახსნის ღონისძიება გუდაურში შედგება, სადაც დამსვენებლებს 2 ახალი საბაგირო კომპლექსი და სამი ახალი სასრიალო ტრასა დახვდებათ.
დაგეგმილია არაერთი გასართობი ღონისძიება. იფუნქციონირებს საბავშვო ზონები, კვების ჯიხურები, ბარი და მუსიკალური სივრცეები.
ზამთრის სეზონზე ქვეყანა დამსვენებლებსა და ტურისტებს ოთხივე სამთო-სათხილამურო კურორტზე: გუდაურში, ბაკურიანში, გოდერძიზე და მესტიაში ელოდება.
