ხვიჩა კვარაცხელიას სატრანსფერო ღირებულება შემცირდა
საქართველოს ნაკრებისა და „ნაპოლის“ ფეხბურთელის, ხვიჩა კვარაცხელიას სატრანსფერო ფასი Transfermarkt-ზე 5 მლნ ევროთი შემცირდა და 80 მლნ ევროა. მანამდე, Transfermarkt-ზე ქართველის ფეხბურთელის საბაზისო ფასი 85 მილიონი ევრო იყო.
საქართველოს ეროვნული ნაკრებისა და საფეხბურთო კლუბ „ნაპოლის“ შემტევი ნახევარმცველი ამ დროისთვის ყველაზე ძვირად ღირებული ქართველი ფეხბურთელია. წლის დასაწყისში მისი ღირებულება 60 მლნ ევრო იყო.
