რუსთავში რამდენიმე ბინა გაქურდეს
რუსთავში რამდენიმე ბინა გაქურდეს. ინფორმაციას ადგილობრივი მედია „ინფო რუსთავი“ ავრცელებს.
ბინები ქალაქის სხვადასხვა მისამართებზე 3 ადამიანისგან შემდგარმა ჯგუფმა გაქურდა.
გავრცელებული ინფორმაციით, ბრალდებულები დაკეტილ ბინებში სხვადასხვა საშუალებებით აღწევდნენ და უმოკლეს ვადაში გაჰქონდათ საყოფაცხოვრებო ტექნიკა, ძვირფასეულობა და თანხა.
მომხდარზე გამოძიება მიმდინარეობს და ბრალდებულები სამართალდამცველებმა დააკავეს.
