საფრანგეთის პროკურატურის განცხადებით ბინაში 5 ცხედარი იპოვეს
საფრანგეთის პროკურატურის განცხადებით, შობის დღეს პარიზთან ახლოს მდებარე ბინაში ხუთი ცხედარი იპოვეს. ინფორმაციას უცხოური მედია ავრცელებს.
გამოცემის ინფორმაციით, შემთხვევა ქალაქ მეოსში პარიზის ცენტრიდან აღმოსავლეთით,ჩრდილოეთ ილ-დე-ფრანსის რეგიონში მოხდა.
ადგილობრივი მედიის ცნობით, მსხვერპლი ქალი და მისი ოთხი მცირეწლოვანი შვილია.
საინფორმაციო ვებსაიტის Actu17-ის ცნობით, რომელმაც პირველად გაავრცელა ინფორმაცია, პოლიცია ეძებს 33 წლის მამას, რომელიც „გაქცეულია".
პოლიცია ჯერ არ აკონკრეტებს გარდაცვალების მიზეზს ან მსხვერპლთა ასაკს.
