„არ მაქვს კონცერტი ადამიანებო, არასწორი ინფორმაცია გავრცელდა" - რას ამბობს კაბუ გავრცელებულ ინფორმაციაზე?
მომღერალი კახა აბუაშვილი (კაბუ) აცხადებს, რომ 27 დეკემბერს ახალციხეში გამართულ სახალწლო კონცერტში მონაწილეობას არ მიიღებს.
"ახალციხეში არ მაქვს კონცერტი ადამიანებო, არასწორი ინფორმაცია გავრცელდა", – ამბობს მომღერალი "სამხრეთის კარიბჭესთან".
22 დეკემბერს ახალციხის მერმა, ირაკლილაზარაშვილმა განაცხადა, რომ მომღერალმა საახალწლო კონცერტში უსასყიდლოდ მონაწილეობის სურვილი თავად გამოთქვა.
აღნიშნული ფაქტი "კაბუმ" "სამხრეთის კარიბჭესთან" უარყო – ეტყობა შეეშალათ, თქვა მან და ტელეფონი გათიშა.
