ძლიერმა ნისლმა ინდოეთში სატრანსპორტო ქაოსი გამოიწვია
ძლიერმა სიცივემ და ნისლმა ინდოეთის დედაქალაქსა და ქვეყნის ჩრდილოეთით სატრანსპორტო ქაოსი გამოიწვია. ამის შესახებ BBC წერს.
გამოცემის ინფორმაციით, ცუდი ხილვადობის გამო გადაიდო 100-ზე მეტი ავიარეისი და 25 რკინიგზის რეისი. დელიში ხილვადობა 50 მეტრზე ნაკლებია. გავრცელდა ინფორმაცია ავტოსაგზაო შემთხვევების შესახებ.
მეტეოროლოგების განცხადებით, ცუდი ამინდი მომდევნო 5 დღის განმავლობაში გაგრძელდება. ქვეყნის ამინდის დეპარტამენტმა მოსახლეობას ავტომობილების მართვის დროს სიფრთხილისკენ მოუწოდა.
