26 დეკემბერს მთვარის ირგვლივ მანათბელი ჰალო დაფიქსირდა

სამშაბათს ღამით, მთვარე მანათებელი ჰალოთი იყო დამშვენებული, რაც არნახულ, ფოტოგენურ ღამის სანახაობას ქმნიდა. „RTBF, ciel partagé“-ის ფეისბუქ გვერდის ბევრმა ერთგულმა წევრმა ამ მოვლენის მშვენიერი კადრები გააზიარა. მაგრამ როგორ უნდა ავხსნათ თავად ეს ციური მოვლენა? მთვარის ჰალო არის ოპტიკური ფენომენი, რომელიც მაშინ წარმოიშვება, როდესაც მთვარიდან არეკლილი სინათლე დედამიწის ატმოსფეროში არსებულ ყინულის კრისტალებთან ურთიერთქმედებს. ეს კრისტალები, რომლებიც, როგორც წესი, მაღალ სიმაღლეზე არსებულ ღრუბლებში გვხვდება, მოქმედებენ როგორც ბუნებრივი პრიზმები. ისინი მთვარის შუქს სხვადასხვა ფერებად შლიან და ღამის ვარსკვლავის გარშემო სინათლის რგოლს ქმნიან.

ამინდის ხელსაყრელი პირობები

ეს მომხიბლავი სპექტაკლი შეიძლება შეუმჩნეველი დარჩეს, თუ არ იქნება ამინდის ხელსაყრელი პირობები მასზე დაკვირვებისთვის: რა თქმა უნდა, უპირველეს ყოვლისა, თქვენ გჭირდებათ მკაფიოდ ხილული მთვარე („ნამგალა“, ნახევრად სავსე ან სავსე), მაგრამ ასევე აუცილებელია მაღალ სიმაღლეზე მყოფი ღრუბლები. ისეთი თხელი ღრუბლების არსებობა, როგორიცაა ციროსტრატი, როგორც წესი, ხელს უწყობს მანათობელი ჰალოს წარმოქმნას. ეს ღრუბლები მაღალ სიმაღლეზე წარმოიქმნება და ყინულის კრისტალებისგან შედგება, რომლებიც სინათლის არეკვლისთვის არის აუცილებელი.

დაათვალიერეთ ლამაზი ფოტოები

ბელგიის ტელერადიომაუწყებლის (RTBF) ფეისბუქ-ჯგუფში (Groupe Facebook "RTBF, ciel partagé") გაზიარებული ულამაზესი ფოტოები.

წყარო