"კიდევ ერთი ოპერაცია იანვარში უნდა ჩაუტარდე" - რას ჰყვება პიტბულის მიერ დაკბენილი 2 წლის ბავშვის დედა შვილის ჯანმრთელობის მდგომარეობაზე
2 წლის ლაზარეს, რომელიც ოზურგეთში პიტბულმა დაკბინა, უკვე ორი ოპერაცია ჩაუტარდა. მის მდგომარეობაზე დედა, ლიკა ხამათაშვილი ჟურნალ „სარკესთან“ მიცემულ ინტერვიუში საუბრობს .
"კიდევ ერთი ოპერაცია იანვარში უნდა ჩაუტარდეს, რეაბილიტაციის შემდეგ კოსმეტიკური ჩარევები დასჭირდება, მაგრამ ამ ეტაპზე ეგ ამბავი მეორეხარისხოვანია. ახლა დიდ ოპერაციას ველოდებით, რომ სკალპი მთლიანად დაიხუროს და დანარჩენს აღარ აქვს მნიშვნელობა. ყურები, სახე, ყველაფერი გადაურჩა, მხოლოდ თავის ქალაზე ააძრო ყველაფერი იმ საშინელმა ძაღლმა. ექიმებსა და ექთნებს ძალიან შეაყვარა თავი.
ექთნებმა სათამაშოები მოუტანეს, ელაპარაკება მათ და გადარია ყველა. დაკბენის მომენტიდან დღემდე ბავშვს გონება არ დაუკარგავს, სრულ გონებაზეა, ჭიკჭიკებს და კონტაქტურია. მადლობა ღმერთს, ტვინს არაფერი შეეხო და ძვალიც საღი აქვს. გადარჩენილები ვართ“,- ამბობს დედა.
