საბა საზონოვი წლის საუკეთესო ახალგაზრდა ფეხბურთელად დაასახელეს
საქართველოს ფეხბურთის ფედერაციამ GFF Awards 2023-ის საზეიმო დაჯილდოებაზე წლის საუკეთესო ახალგაზრდა ფეხბურთელად საბა საზონოვი დაასახელა.
საქართველოს ეროვნული ნაკრებისა და 21-წლამდელთა გუნდის ფეხბურთელისთვის 2023 წელი განსაკუთრებით მნიშვნელოვანია. საბა საზონოვმა საქართველოს მოქალაქეობა მიიღო. იყო ევროპის ახალგაზრდული ჩემპიონატის ერთ-ერთი გამორჩეული მოთამაშე. უეფა-მ და Sofascore-მა საბა ტურნირის სიმბოლურ ნაკრებში შეიყვანა.
