ნატოს სწრაფი რეაგირების ძალებს მომავალი წლიდან დიდი ბრიტანეთი უხელმძღვანელებს

ნატოს სწრაფი რეაგირების ძალებს 2024 წლიდან დიდი ბრიტანეთი უხელმძღვანელებს. ამის შესახებ Eurointegration-ი ბრიტანეთის თავდაცვის სამინისტროს პრესსამსახურზე დაყრდნობით იტყობინება.

„2024 წელს ნატოს მაღალი მზადყოფნის ერთობლივი სამუშაო ჯგუფის ხელმძღვანელობით, ჩვენ ვიკავებთ სხვა წამყვან პოზიციას ალიანსში, ვაგზავნით მკაფიო სიგნალს, რომ გაერთიანებული სამეფო აძლიერებს თავის გლობალურ თავდაცვით ვალდებულებას ნატოს 75-ე წელს,“ - განაცხადა ბრიტანეთის თავდაცვის მდივანმა გრანტ შაპსმა.

ჯგუფის ბირთვი იქნება დიდი ბრიტანეთის მე-7 მსუბუქი მექანიზებული ბრიგადა, რომელიც დაახლოებით 6000 ჯარისკაცს შეადგენს.

ნატოს წევრი ქვეყნები ჯგუფს როტაციის პრინციპით ხელმძღვანელობენ. 2023 წელს ჯგუფს გერმანია ხელმძღვანელობდა.