ძალიან მაღალი ტერორისტული საფრთხის გამო ახალი წლის ღამეს საფრანგეთში უსაფრთხოების ზომები გამკაცრდება
ახალი წლის ღამეს საფრანგეთში უსაფრთხოების ზომები გამკაცრდება. 90 000 სამართალდამცავი იქნება მობილიზებული, - ამის შესახებ შიდა დაზვერვის უფროსმა სელინ ბერტონმა განაცხადა.
საფრანგეთის შინაგან საქმეთა მინისტრი ჟერალდ დარმანინი აცხადებს, რომ 1,5 მილიონზე მეტი ადამიანი დაესწრება ელისეის სადღესასწაულო ღონისძიებებს. ღონისძიების ადგილზე 6 000 სამართალდამცავი იქნება განლაგებული.
მისი თქმით, ძალიან მაღალი ტერორისტული საფრთხე არსებობს, ნაწილობრივ იმის გამო, რაც ხდება ისრაელსა და პალესტინაში.
დარმანინი აღნიშნავს, რომ პოლიცია პირველად შეძლებს დრონების გამოყენებას უსაფრთხოების სამუშაოების ფარგლებში და ასევე განლაგდება ათიათასობით მეხანძრე და 5 000 ჯარისკაცი.
